‘பீஸ்ட்’ படத்தின் ரிலீஸ் தேதி அதிகாரபூர்வமாக அறிவிக்கப்பட்டுள்ளது!
Vijay, Pooja Hegde, Selvaraghavan, Satish, Yogi Babu, VTV Ganesh, Nelson Dilipkumar, Anirudh Ravichander, Sivakarthikeyan, Kalanithi Maran, Sun Pictures, Thalapathy 66, , Beast 20-Mar-2022
‘மாஸ்டர்’ திரைப்படத்திற்கு அடுத்து விஜய் நடிப்பில் உருவாகி இருக்கும் படம் ‘பீஸ்ட்’. நெல்சன் திலீப்குமார் இயக்கி இருக்கும் இப்படத்தில் நடிகை பூஜா ஹெக்டே கதாநாயகியாகவும், இயக்குனர் செல்வராகவன் வில்லன் கதாபாத்திரத்திலும், நடித்துள்ளார். மற்றும் யோகி பாபு, வி டி வி கணேஷ் ஆகியோரும் இணைத்து நடித்துள்ளனர். இப்படத்தை சன் பிக்சர்ஸ் நிறுவனம் தயாரித்துள்ளது.
மேலும் விறுவிறுப்பாக நடைபெற்று வந்த இப்படத்தின் படப்பிடிப்பு சமீபத்தில் நிறைவு பெற்றது. தற்போது பின்னணி பணிகள் மும்முரமாக நடைபெற்று வருகிறது. அனிருத் இசையமைத்திருக்கும் இப்படத்தின் முதல் சிங்கிளான அரபிக் குத்து பாடல் வெளியாகி அனைவரையும் கவர்ந்தது மட்டுமின்றி யூடியூப் மூலம் பல சாதனைகளை படைத்துள்ளது. அதை தொடர்ந்து சமீபத்தில், 2வது சிங்கிளான ‘ஜாலியோ ஜிம்கானா…’ என்ற பாடலும் வெளியாகி அனைவரின் மத்தியிலும் நல்ல வரவேற்பை பெற்றது. விஜய் பாடியுள்ள ‘ஜாலியோ ஜிம்கானா…’ பாடல் ரசிகர்களை கவர்ந்து இணையத்தை கலக்கி வருகிறது என்பது குறிப்பிடத்தக்கது.
இந்நிலையில் இப்படத்தின் வெளியீட்டு தேதியை அதிகாரப்பூர்வமாக சன் பிக்சர்ஸ் தயாரிப்பு நிறுவனம் இன்று அறிவித்துள்ளது. அதன்படி வருகிற ஏப்ரல் 13 ஆம் தேதி ‘பீஸ்ட்’ திரைப்படம் வெளியாகும் என அறிவிக்கப்பட்டுள்ளது. இந்த அறிவிப்பை ரசிகர்கள் சமூக வலைத்தளத்தில் கொண்டாடி வருகின்றனர்.
#BeastFromApril13@actorvijay @Nelsondilpkumar @anirudhofficial @hegdepooja @selvaraghavan @manojdft @Nirmalcuts @anbariv #Beast pic.twitter.com/htH6dTPX2q
— Sun Pictures (@sunpictures) March 22, 2022
