விஜய் மகனுடன் இணைய தயார்.. பிரபல நடிகரின் மகன் ஆர்வம்!

விஜய் மகன் சஞ்சயுடன் இணைய தயாராக இருக்கும் துருவ் விக்ரம்!

Dhruv vikram, Vijay, Sanjay, Vikram 11-Feb-2022: தமிழ் சினிமாவின் முன்னணி நடிகர்களில் ஒருவர் விஜய். அவரின் மகன் சஞ்சயுடன் இணைய தயாராக இருப்பதாக விருப்பம் தெரிவித்துள்ளார் துருவ் விக்ரம்.

2019 இல் வெளியான “ஆதித்யா வர்மா” படத்தின் மூலம் தமிழ் சினிமாவிற்கு அறிமுகமானவர் துருவ் விக்ரம். நடிகர் விக்ரமின் மகனான இவர், முதல் படத்திலேயே பல ரசிகர்களை கவர்ந்து கொண்டார். அதன் பிறகு கார்த்திக் சுப்பராஜ் இயக்கிய “மகான்” படத்தில் அவருடைய தந்தை விக்ரமுடன் இணைந்து நடித்துள்ளார் என்பது அறிந்ததே. இப்படத்தில் சிம்ரன், வாணி போஜன், பாபி சிம்ஹா உள்ளிட்டோர் முக்கிய கதாபாத்திரங்களில் நடித்துள்ளனர். ‘சவன் ஸ்கிரீன் ஸ்டூடியோஸ்’ சார்பில் லலித் தயாரிக்கும் இப்படத்திற்கு சந்தோஷ் நாராயணன் இசையமைத்திருந்தார். இப்படம் நேரடியாக ஓடிடி தளத்தில் வெளியாகி மாபெரும் வரவேற்பை பெற்றுள்ளது என்பதும் குறிப்பிடத்தக்கது.

இந்நிலையில் சமீபத்தில் பேட்டி ஒன்றில் துருவ் விக்ரம் சில விஷயங்களை பகிர்ந்திருந்தார். அதில் அவர் கூறியிருப்பது, “சிறு வயதிலிருந்தே நானும் விஜய் சாருடைய மகன் சஞ்சய்யும் நல்ல நண்பர்கள், ஆகவே சஞ்சய் நல்ல கதையுடன் வந்தால் அந்த படத்தில் நடிக்க நான் தயாராக இருக்கிறேன். மேலும் அந்தப்படம் பாலிவுட் படங்களை போல இரண்டு நாயகர்களின் வாரிசுகள் இணையும் படமாக அது இருக்கும்” என அவர் கூறியுள்ளார்.