இயக்குனர் ராமின் அடுத்த படம்

இயக்குனர் ராமுடன் இணைந்தார் நடிகர் சூரி

Anjali, Nivin Pauly, Ram, Soori, Yuvan Shankar Raja 03/02/2022 : இயக்குனர் ராம் ‘கற்றது தமிழ்’ படத்தின் மூலம் 2007-ஆம் ஆண்டு தமிழ் சினிமாவில் அறிமுகமானவர் . அதைத் தொடர்ந்து ‘தங்கமீன்கள்’, ‘தரமணி’, ‘பேரன்பு’ போன்ற படங்களை இயக்கி பல சினிமா ரசிகர்களை கவர்ந்தார். இந்நிலையில் அவரது புதிய படத்தை நிவின் பாலியை வைத்து இயக்கி வருகிறார். வி ஹவ்ஸ் புரொடக்‌ஷன்ஸ் தயாரிக்கின்றது. இப்படத்திற்கு ராமின் வழமையான இசையமைப்பாளர் யுவன் ஷங்கர் ராஜா இசையமைக்கிறார்.

இப்படத்தில் நிவின் பாலிக்கு ஜோடியாக அஞ்சலி இணைந்திருக்கிறார். இவர் ஏற்கனவே ராமின் ‘கற்றது தமிழ்’, ‘பேரன்பு’ போன்ற படங்களில் நடித்தவர். இப்படத்தின் படப்பிடிப்பு முழு வீச்சில் தற்பொழுது நடைபெற்று வருகிறது. இதில் முக்கிய கதாபாத்திரத்தில் நடிக்க நடிகர் சூரி ஒப்பந்தமாகியிருந்தார். இந்நிலையில் சில நாட்களுக்கு முன் படப்பிடிப்பில் அவர் இணைந்துள்ளார்.

இதனை அவர் அவருடைய சமூக வலைத்தளப் பக்கத்தில் பகிர்ந்ததுள்ளார். அதில் அவர் குறிப்பிட்டிருப்பதாவது, “இன்று இனியதொரு தொடக்கம். இயக்குநர் அண்ணன் ராம் மற்றும் சகோதரர் நிவின் பாலியுடன் முதல்முறையாக பயணிப்பதில் பெரு மகிழ்ச்சி. அண்ணன் தயாரிப்பாளர் சுரேஷ் காமாட்சிக்கு நன்றி” எனக் குறிப்பிட்டு அதனுடன் அங்கு எடுத்துக்கொண்ட புகைப்படத்தையும் அவர் அவரது சமூக வலைத்தளத்தில் பகிர்ந்துள்ளார்.